Фокача со сардини

1. Во сад со малку топла вода и шеќер додадете го квасецот, промешајте и оставете да нарасне.
2. Во поголем сад ставете брашно, сол и маслиново масло, додадете го квасецот, па додавајќи вода замесете се додека не добиете мазно и меко тесто.
3. Префрлете го на набрашнета површина и месете го со рацете за да го направите тестото податливо и еластично.
4. Ставете го во подмачкана тава и оставете го покриено на топло место за да се крене и двојно да му се зголеми волуменот, односно околу половина час.
5. Стасаното тесто ставете го на плехот за печење кој претходно сте го покриле со специјална хартија за печење.
6. Раширете го тестото со рацете, направете вдлабнатини во кои ќе ставите чери домати , посипете со крупна сол, мали гранчиња рузмарин и премачкајте со маслиново масло. Вака подготвената фокача оставете ја околу 5 минути уште малку да нарасне, а потоа печете ја во рерна загреана на 200 °C околу 30 минути.
7. Додека се пече фокачата, подгответе ладна салса. Излупете ги доматите, исечете ги на коцки, додадете сецкан лук, сок од лимон и портокал, сол, бибер, магдонос, маслиново масло, ситно исецкан власец, 1/3 сецкани сардини со лимон. Промешајте.

Послужување: Кога фокачата ќе се олади малку, исечете ја на парчиња, а по секое парче распределете сос од домати (ладна салса), сирење и рукола, а преостанатите сардини со лимон наредете ги одозгора.

 Совет: Кога ќе ја извадите фокачата од рерна, можете уште еднаш да ја премачкате со маслиново масло.